Jun 22

Zure laguntza behar dugu

“Zumarte Gero Arte” festa egin genuen eta orain musika eskolako instrumentak-haltzariak-materiala bildu eta 2017-2018 / 2018-2019 ikasturtetan erabiliko ditugun lokal desberdinetara eramateko TRASLADOA antolatu dugu.

Uztailak 5-6 traslado egunak izango dira eta 4 txanda antolatuko ditugu:

1. txanda: Uztailak 5, goizeko 9:00tatik-13:00tara.
2. txanda: Uztailak 5, arratsaldeko 16:00tatik-19:30tara.
3. txanda: Uztailak 6, goizeko 9:00tatik-13:00tara.
4. txanda: Uztailak 6, arratsaldeko 16:00tatik-19:30tara.

Agian txanda batean parte hartu dezakezu edo gehiagotan, eman zure izena e-mail bidez (zumarte@telefonica.net) ekainak 27 baino lehen ze txandetan lagunduko dezakezun adieraziz, guk dena antolatu ahal izateko.

Eskerrik asko!!!!

Facebooktwittergoogle_pluspinterest

Jun 03

2017-2018 Ikasturterako instrumentu aukeraketa zozketako emaitza

IKASLEA – INSTRUMENTUA

Amets Eleta – Gitarra
Ane Ugarte – Panderoa
Beñat Zuloaga – Perkusioa
Eire Arrizabalaga – Panderoa
Elene Beristain – Panderoa
Jon Uribarrena – Perkusioa
June Zubiaur – Trikitixa
Lander Eleta ——-
Maddi Urkia ——-
Manex Manterola – Trikitixa
Markel Aizpurua – Perkusioa
Martina Artola – Pianoa
Olatz Pikabea – Gitarra
Saioa Ruiz de Eguino – Txistua
Salbatore Arruti – Pianoa

Facebooktwittergoogle_pluspinterest

May 31

Udaberriko kontzertua

Gabonetako kontzertuei segida emanez, Puntapax eguneko zentroko aiton-amon eta familiarrekin kontzetu bat antolatu dugu. Bertan musika eskolako kide desberdinak eta zentroko lagunek, kanta desberdinak eskeiniko ditugu (Maitetxo, Ixil-ixilik dago, La Cucaracha, Desde Santurce a Bilbao…).

Kontzertua zentroan bertan goizeko 11etan izango da.

Ondo pasa!

Facebooktwittergoogle_pluspinterest

May 29

Zumarte Musika Eskolako eraikinaren agurra

JAIALDI ERRALDOIA EKAINAK 17an

30 urtetan Zumarte Musika Eskola izan den eraikinari agurra egin nahi diogu eta horretarako jaialdi erraldoi bat antolatu dugu EKAINAK 17rako, larunbata:

-Goizeko 10:00tan Txistulari eta Trikitilari-Panderojoleen kalejira.

Zumarteko eraikinaren atzealdealdeko belardian:
-Goizeko 11:00-13:30 bitarte kontzertuak.
-Eguerdian, bazkaria. (Jana norberaren kontu eta edaria Zumarteren esku)
-Arratsaldeko 16:00-20:00 bitarte kontzertuak.
-20:00tan kalejira txarangarekin.
-21:30tan afari herrikoia udaletxe aurreko plazan, txarangaz girotua.

**Egun guztian zehar Zumarteko eraikinaren barruan bideo eta argazki emanaldiak.

DENOK ZAUDETE GONBIDATUTA!!

Facebooktwittergoogle_pluspinterest

May 22

0-3 urteko haurrak eta familientzako musika tailerra

Ekainak 3an hirugarren 0-3 urteko haurrak eta familientzako musika tailerra antolatuko dugu. Bertan soinuaren bitartez txikien gaitasun musikal, psikomotore, kognitibo eta sozioafektiboak garatuko dira, haurra bere familiaren arteko lotura indartuz.

Lekua: Zumarte Musika Eskola
Izen ematea: Zumarten (Maiatzak 22-26 bitarte)
Zenbatekoa: 15€/familia
Antolatzaileak Lalala Musika Tailerra eta Zumarte Musika Eskola

Facebooktwittergoogle_pluspinterest

May 16

2017-2018 ikasturterako matrikulaketa

2017-2018 ikasturterako matrikulazioa egiteko garaia da. Maiatzak 22 – 26 bitarte, goizez (asteartea, osteguna eta ostirala) 10:30etatik-12:30tara eta arratsaldez (egunero) 16:30tatik 19:30tara kurtso berrian aputatzeko aukera izango da.

Matrikula nola egin:

1.-Zumarten nahi edo behar duzuen informazioa jaso.

2.- Kutxan ordainketa egin:
– KUTXABANK-eko ES15 2095 5069 08 1062820021 kontu zenbakian ordainketa egin ikaslearen izena erreferentzi bezala ipiniaz eta ordainagiria jaso. Kutxan ingresoak egiteko ordutegia: 8:30-10:30 bitarte.
Zenbateko ordainketa egin:
-Musika Txokoa (4-5-6-7 urte): 125 €
-Musika Txokoa+instrumentua: 250€
-Musika Mintzaira : 125 €.
-Musika Mintzaira+ instrumentua+abesbatza eta/edo talde: 250€
-Instrumentua eta talde: 125 € (Panderoa: 70 €)
-Abesbatza edo Talde Instrumentala bakarrik: 50 €

3.-Ordainagiria, zuen kontu korronteko zenbakia (20 digiturekin) eta argazki bat (ikasle berriak bakarrik) Zumarten entregatu eta inpresoak sinatu.
Horrez gain, instrumentuko ikasleak hilero 28€ko kuota ordaindu beharko dute.

HOBARIAK (MATRIKULA OSOA ORDAINDU ETA ONDOREN EGINGO DA DAGOKION ITZULKETA)

-Familia ugarietan, matrikularen prezioan %40ko deskontua egingo zaio matrikulatuta dagoen ikasle gazteenari. Horretarako, familia ugariaren txartela ekarri beharko da.
-3 senide zuzen edo gehiago matrikulatuta dauden kasuetan, matrikularen prezioan %40ko deskontua egingo zaio ikasle gazteenari. Ikasle gazteenak bixkiak izanez gero, ikasle bati bakarrik egingo zaio deskontua.

OHARRAK

-Aurten ere helduen taldea osatu nahi genuke, beraz gurasoak ere animatu zaitezte musika ikastera.

-Instrumentua ikasten hasten direnen artean, tronboia, saxofoia, tronpeta edo biolina, nahi izanez gero Zumartek dituen instrumentuak urtebetez utziko die.

-Informazioa gehiago nahi izanez gero, dei ezazue arratsaldez Zumarte Musika Eskolako 943371594 telefonora.

MATRIKULAZIO ARAUDIA

– Ordainketa egitea derrigorrezkoa da matrikula egin ahal izateko. Aurreko ikasturteko kuota guztiak ordainduta egon behar dute matrikulatu ahal izateko.
– Matrikulazio data barruan matrikulatzen ez den ikasleak bere plaza galduko du.
– Matrikula itzulketarik ez da egingo.
– Iraila 30etik aurrera baja emanez gero, ikasturte osoari dagozkion kuota guztiak ordaindu beharko dira.
– Urriak 30etik aurrera ez da matrikula berririk onartu edo egingo.
– Epez kanpo eta urriak 30 arte egiten diren matrikulak beti ere irakaslego eta batzordearen oniritzia izan beharko dute.
– Ikasturtea hasi ondoren matrikulatzen den ikasleak, matrikula osoa ordaindu beharko du.
– Falta asko egiten duen ikasleak ez du hurrengo urteko plaza gordetzeko eskubiderik izango.
– Musika txokoa, musika mintzaira eta instrumentuko ikasle berrien kasuan, eskainitako plaza kopuru baino eskaera gehiago badago, matrikulazioa bukatu eta hurrengo ostegunean arratsaldeko 19:00tan zozketa egingo da. Zozketan sartu ahal izateko matrikula ordainketa egin eta agiria musika eskolan entregatu beharko da ikaslearen datuekin batera. Zozketaren ondoren itxaron zerrenda egingo da eta bajarik egon ezkero itxaron zerrendako ikasleak sartuko lirateke. Zozketaren ondorioz plaza gabe geratzen diren ikasleei bakarrik itzuliko zaie matrikula.

2017-2018 MUSIKA TXOKOA eta MUSIKA MINTZAIRAKO ORDUTEGIA (Klase guztiak ikastolan izango dira)

MUSIKA TXOKOAKO TALDEAK ETA ORDUTEGIA

Musika Txokoa 1.1 (4 urte) Asteartea 16:45 – 17:45
Musika Txokoa 1.2 (5 urte) Osteguna 16:45 – 17:45
Musika Txokoa 1.3 (6 urte) Asteartea -osteguna 17:45-18:30
Musika Txokoa 1.4 (7 urte) Asteartea -osteguna 18:30-19:15

MUSIKA MINTZAIRAKO ETA KANTU-KANTARIKO ORDUTEGIAK

Musika mintzaira 2.1 maila – Astelehena – asteazkena 16:40-17:40 – Asteazkena 17:40-18:20
Musika mintzaira 2.2 maila – Astelehena – asteazkena 17:40-18:40 – Asteazkena 16:50-17:40
Musika mintzaira 2.3 maila – Astelehena – asteazkena 18:40-19:30
Musika mintzaira 2.4 maila – Astelehena – asteazkena 19:30-20:20

ABESBATZAKO TALDEAK ETA ORDUTEGIAK

ZUMARTE ABESBATZA – 10/12 urte (biak barne) (2007-2006 urte artean jaiotakoak) – Ostirala:16:45-17:30

ZUMARTE ABESBATZA – 13 urte edo gehiago (2005-edo lehenago jaiotakoak) – Ostirala:16:00-16:45

ZUMARTE GAZTE ABESBATZA – Asteazkena: 19:00-20:00

OHAR GARRANTZITSUAK

Usurbilgo Udalak ZUMARTEko eraikina eraberritu eta handitzeko obrak hasiko ditu 2017-2018 ikasturtean. Obrak direla eta, 2017-2018 eta 2018-2019 ikasturtetan Zumarteko klase eta zerbitzu guztiak beste lokal batzuetara trasladatuko dira:

-Musika mintzaira, musika txokoa, instrumentuak eta abesbatzak ikastolan izango dira.
-Perkusioa, gitarra eta pop-rock taldeak Santuenean izango dira.
-Bulegoa eta irakasle gela Puntapax kalean egongo dira.

Egoitza hauen erabilpenaren antolakuntza eta moldaketa egoki bat egiteko, bi ikasturte hauetan ordutegiak jartzeko garaian (instrumentukoak batez ere) malgutasun handia eskatu nahi dizuegu.

Ikasturte bukaeran musika eskola guztia hustu egin behar dugu (haltzairuak, instrumentuak, artxiboak, liburuak, diskak e.a..…) eta HORRETARAKO ZUEN LAGUNTZA BEHARKO DUGU!!!

Aurrerago jasoko duzue informazioa eta trasladoan laguntzeko izen-ematea.

Facebooktwittergoogle_pluspinterest

May 14

Olatu Talka 2017

Hurrengo egunetan musika eskolako abesbatzako kideak eta akordeoilariak Olatu Talka 2017ko bi ekitaldietan hartuko dute parte.

Maiatzak 19an arratsaldeko 20:00etan Zumarte Abesbatzako kideak Donostiako Alderi Ederren abestuko dute Olatu Talkako irekiera emanaldian.

Bestalde Maiatzak 21ean Zumarteko akordeoilariak Donostiako Portuan ospatuko den akordeoi topaketan parte hartuko dute.

Olatu Talka jaialdian, musika, merkatuak, zientzia eta munduko festak izan dira ardatz. Aurten 160 proposamen inguru jaso dira eta merkatuetako eta kontzertuetako deialdiak ere arrakastatsuak izan dira eta, ondorioz, programazioa bereziarekin dator aurten. Hona hemen ekitaldietako batzuk.
Inaugurazio ekitaldian musika eta belaunaldi arteko elkarbizitza izango dira ardatz. Alde batetik, Musikagelako 12 bandak eta bakarlariak, beraiek sortutako lau pieza eskainiko dituzte eta haiekin, Donostialdeko hainbat abesbatzetako 400 bat abeslari eta Francisco Escudero Kontserbatorioko Big Banda ariko dira. Talde horien lau abestiez gain, Itoitzen Lau Teilatu ere abestuko dute.

Ondo pasa!

Facebooktwittergoogle_pluspinterest

Mar 16

Asteburua Hondarribian

Pasa den asteburuan, martxoak 11-12an Zumarte Abesbatzako haur gazteenak Gipuzkoako Abesbatzen Federazioak Hondarribian antolatu duen Haurtxo Koruen tailerrean parte hartu dute. Tailer honetan Gipuzkoan federatutako abesbatzetako 7-14 urte bitarteko haurrak parte hartu dute, Musika korala lantzeko asteburu-pasa izan da, koru-errepertorio erakargarria, indarrez betea eta oso dibertigarriak lantzen aritu dira eta alderdi ludikoa garatzeko Federazioak aisialdia, jokoak eta abar antolatzen dituen begirale-talde baten laguntza izan du.

Asteburuan egindako lan guztiaren emaitza, igandean, Amute auzoko Kaputxinoen Elizan eskaini zuten kontzertuan erakutsi zuten.

Zorionak egin duzuen lan guztiagatik!!

Facebooktwittergoogle_pluspinterest

Mar 11

XIII. Soinurbil Musika Astea

Iritsi da XIII. Soinurbil Musika Astea, ekitaldi ugari prestatu ditugu aste borobila osatzeko. Hemen egitaraua:

*Martxoak 20 astelehena, Organo erakustaldia Salbatore Elizan 18:00etan eta 19:00etan.

Usurbilgo Organoa berezia da. 1907an Parisen eraiki zen. Cavaillé-Coll lantegietan. Bere lehen jabea ospe handiko baroi frantses bat izan zen, l´Espée baroia, Ilbaritzen (Baionatik gertu) zuen jauregirako enkargatu zuen organoaren eraikuntza. Lehen Mundu Gerra ondorengo diru-eskasiak zirela eta, baroiak bere ondasun batzuk saldu egin behar izan zituen, eta horien artean, organo eder hau. 1920 urte inguruan Usurbilgo Salbatore parrokiak hain baliotsua den tresna hau erosi zuen herritar batzuen ahalegin ekonomikoari esker.

Azken urteetan zaharberritze lan garrantzitsuak egin dira Usurbilgo organoan.

Joan Luis Atxegaren musika eskolako irakaslearen eskutik, Usurbilgo organoa gertutik ikusteko aukera paregabea izango dugu.

*Martxoak 21 asteartea, “Kontu Kantari” antzerki kontzertua Sutegi Kultur Etxeko auditoriumean 18:30etan.

“Kontu kantari”k oroimenean dauzkagun abestiak biltzen ditu, hauek reggae-a, rap-a edo blues-a bezalako erritmo desberdinetara eramanez. Protagonista bihurtzen diren txotxongiloen laguntzarekin, bidaia honetan, Sandrak eta Botik, betiko abestiak berrikusten dituzte, nagusiek ahaztu ez ditzaten eta txikiek ikasi ditzaten.

Familia osoarekin musikaz eta txotxongiloen mundu magikoaz gozatzeko aukera paregabea.

Iraupena 50 min.
Sarrera: 2 € egunean bertan.

*Martxoak 22 asteazkena, Organo eta Txistu Kontzertua Salbatore Elizan 19:00etan

Egitaraua:

ORGANOA

Toccata eta Fuga Re m. (BWV 565) …………..……………………………. J.S. Bach

ORGANOA ETA TXISTUA

Euskal suitea (I) ………………….…………………………………………………. T. Garbizu
-Kontrapasa
-Fandango-Boleroa
Euskal Suitea (II) ….………..……………..…………………………………… T. Garbizu
-Gavota
Txistularia: Estanis Karrera Sarasola

ORGANOA

Itsasoan (gaia eta bariazioak) …………….……………………………………………. J. Guridi

USURBIL ETA LEZOKO TXISTULARI TALDEAK

Zirkoren sonatatxoa ………………………………………………………………….. V. Reiman
Brokolo (Minuetoa) …………….…………………………………………………… E. Basurko
Sorgin Dantza …..……………………………..……………………………………. E. Mocoroa
Puiuelo Kalea ……….…………………………………………………………………. R. Sarriegi

ORGANOA ETA TXISTUA

Tamboourino…………………………………….………………………………….. J.P. Rameau
Txistularia: Aitor Pagola Arizmendi

USURBIL ETA LEZOKO TXISTULARI TALDEAK, ORGANOA

Agur Jaunak .………………………………..……………………………….. Mold.: T. Garbizu
Organojolea: Joan Luis Atxega Pagola



*Martxoak 23 osteguna, Beasaingo Musika eskolarekin trukaketa Sutegi Kultur Etxeko auditoriumean 19:00etan.

1985tik abiatu zen Beasaingo Musika Eskola, Udal Musika Banda eta Herriko Abesbatzen babesean. 1994ko irailetik gaur egun arte Arantxa Gastesi Iriarte izan da zuzendaria.

Loinatz Musika Eskolak 360 ikasle ditu gaur egun, 19 instrumentu espezialitate eta musika hezkuntza osoko eskaintza egiten du. Azpimarratzekoa da Loinatz Musika Eskolak herrian duen presentzia: Urtean zehar 90 emanaldi inguru eskaintzen ditu: batzuetan, Musika Eskolak zuzenean antolatutakoak eta, beste batzuetan, Beasaingo herriak antolatutakoetan parte hartuaz.

Kontzertuan parte hartuko dute:

-Zumarte Musika Eskolako talde instrumentalak.

-Beasaingo Loinatz Udal Musika Eskolako talde instrumentalak.

*Martxoak 24 ostirala, Rockalean ikuskizuna herriko kaleetan 20:00etan

Musika munduan ibilbide luzea duten bost musikarik osatutako taldea da. Rock eta Pop estiloko kantu ezagunek osatzen dute beraien kantu-zerrenda, beti ere bertsioek originalaren kutsurik galdu ez dezatela kontuan hartuta.

Bateria: Javier Area eta Odei Astibia
Soussaphone-a: Jon Viejo
Gitarra: Mikel Sukunza
Ahotsa eta haize instrumentuak: L.M. Moreno “Pirata”

*Martxoak 25 larunbata Zumarteko Pop-Rock taldeak Mikel Laboa Plazan (euria eginez gero Askatasuna plazan) 12:00etan.

Zumarte Musika Eskolako taldeek eskainiko dute kontzertu hau. Adin desberdinetako ikasleak izango dira bertan parte hartuko dutenak eta dagoeneko emanaldi ugari eskaini dituztenak dira.

Talde hauek parte hartuko dute: Zappa taldea, Nesquik Taldea, Ixaksonak Taldea, Ganbarakada Taldea eta The Hastelen´s taldeak.

*Martxoak 26 igandea Azkoitiako Musika Banda, 12:00etan kalejira eta 13:00etan frontoian kontzertua.

Hasiera zehatzaren data ikertzeko dago, baina agiri batzuek diotenez ofizialki, Juan Mari Etxaniz azkoitiar organista izendatu zuten 1879-ko ekainaren 29-an Azkoitiako bandaren zuzendari.

Herriz herri asko ibilitakoa izan arren, orain herri mailan bakarrik du jarduera, gabon, aste santu, herriko festa, danborrada eta urtean zehar egiten diren beste kontzertu batzuekin.

Azkoitiako Musika Bandak gogoz betetako gazte asko ditu. Ezin aipatu gabe utzi oraingo zuzendari gazte eta talentuz betea, Carlos Muñoz, lan izugarria eta esanguratsua egiten ari dena.

Facebooktwittergoogle_pluspinterest

Mar 06

0-3 urte: Musika Tailerra Martxoak 18an

Musika tailerrak 0-3 urteko haur eta familientzat.

Zumarte Musika Eskolan (Usurbil)
Martxoak 18, larunbata
15€/familia
Izen ematea: Zumarten
(Martxoak 6-10 bitarte)

Lalala haur eta bere familientzako musika tailer bat da. Soinuaren bitartez txikien gaitasun musikal, psikomotore, kognitibo eta sozioafektiboak garatuko dira, haurra bere familiaren arteko lotura indartuz.

LALALASOINUGELA

Facebooktwittergoogle_pluspinterest

Older posts «